વર્ષો વીત્યાં વહી જશે રહ્યાં જે ગણ્યાંગાંઠ્યાં;
જિંદાદિલીનાં ઉભય જીવને ગંગા ડૂબે સાગરે.
રહી જશે અવશેષો મૈત્રીના મધુર કડવાં;
અજાણ્યાં અટપટાં જે ભોગવ્યા સાનિધ્યે.
અભાવે ભાવે વા અનુભવી માત્ર પ્રેમમુદિતા;
પ્રસંગે હું − તુંનો અડિખમ પહાડ નાવ્યો વચ્ચે.
તમે વ્હારે ધાયા; અર્જુન સખા રક્ષે યુદ્ધ મધ્યે
શરણાર્થી; રક્ષ્યો, ધન્ય હું બન્યો ધરી મૂઠી ચોખા.
અસારે સંસારે છે નિશ્ચિત નિયતિ નિરમ્યા;
સંયોગો વિયોગો સ્નેહીજનોનાં જે ના ટળી શકે.
મળી કદી સિંધૂમાં પડે વિખૂટાં બે મહાકાષ્ટો;
ફરી ફરી જે ના મળે, જીવનની પણ અા ગતિ !
છલકતા યૌવન શા પ્રસંગો ભૂતના વહેંચી −
વાગોળી; દૂર રહ્યા કાં ન ડૂબીએ અાનંદાબ્ધિમાં !
(લંડન, નાતાલ 25 ડિસેમ્બર 2012)
[37 Berkley Road, Kingsbury,LONDON NW9 9D
("અોપિનિયન", 26 માર્ચ 2013)
