ગમગીન ઉજ્જડ આ કબર તમારા ગયા પછી,
દુઃખ દર્દ બેચેની રાતોની તમારા ગયા પછી.
મુહબ્બતની આંખો હર્ષાશ્રુઓ નયનોથી છલકે,
મનહર મૌનમાં ખૂલે ભેદ તમારા ગયા પછી.
હજારો મીઠી વાતો નેણનો મધ નીતરતો રહ્યો,
ઉર-અગ્નિ બળતી રહી વર્ષો તમારા ગયા પછી.
નજરમાં તું છે સલામત તે છતાં આંખોથી દૂર,
દીપ આશાના પ્રગટ્યા છે તમારા ગયા પછી.
વિશ્વના કણ કણ મહીં એને હું હવે જોઉં છું,
જીવન બાગે વસંતી પગલાં તમારા ગયા પછી.
ઘાટકોપર, મુંબઈ
e.mail : bijaljagadsagar@gmail.com
