તાનથી ત્રિગુણી એક તિહાઈની આ વાત છે,
જનવિહોણા દુર્ગ ફરતી ખાઈની આ વાત છે.
જનવિહોણા દુર્ગ ફરતી ખાઈની આ વાત છે.
મિષ્ટ મોદકો ઊપર કટુક ઔષધિ સમી,
સંનિકટ મિલન પછી જુદાઈની આ વાત છે.
સંનિકટ મિલન પછી જુદાઈની આ વાત છે.
વિશ્વામિત્રની નથી, નથી આ ચાંપાનેરની,
પાવાગઢના બારમા પતાઈની આ વાત છે.
પાવાગઢના બારમા પતાઈની આ વાત છે.
માનવીના ઉદ્વિકાસ જેટલી જ છે જૂની,
સત-અસત, ભલાઈ ને બુરાઈની આ વાત છે.
સત-અસત, ભલાઈ ને બુરાઈની આ વાત છે.
જળકમળની કે નથી ગીતાના જ્ઞાનની કથા,
પીપળા તળે સ્થગિત કન્હાઈની આ વાત છે.
પીપળા તળે સ્થગિત કન્હાઈની આ વાત છે.
8/8/2016
ગુડ્સ ઍન્ડ સર્વિસિસ ટૅક્સ (GST), એનો પહેલી વાર પ્રસ્તાવ આવ્યો એ પછી ૧૨ વર્ષે અને ભારતે આર્થિક સુધારાઓ કરવાનું શરૂ કર્યું એ પછી પચીસ વર્ષે ભરવામાં આવેલું મહત્ત્વનું કદમ છે. કલ્પના કરો કે જો આ ઝડપે ભારતમાં કામ થશે તો જાગતિક અર્થકારણમાં ભારત ચીનનો મુકાબલો કેવી રીતે કરી શકશે? મુકાબલો તો દૂરની વાત રહી, ભારતની ખાસ ગણના જ નહીં થાય. જગતને ભારતનું આકર્ષણ એટલા માટે છે કે ભારત પાસે વિપુલ માત્રામાં ઉપભોક્તા છે એટલે એ અર્થમાં ભારત વિશાળ માર્કેટ છે. ભારત માટે આકર્ષણનું બીજું કારણ એ છે કે ભારત યુવાનોનો દેશ છે. ભારતની કુલ વસ્તીમાં ૩૫ વરસથી નીચેના યુવાનોનું પ્રમાણ ૬૫ ટકા છે અને પચીસ વરસથી નાની વયના યુવાનોનું પ્રમાણ ૫૦ ટકા છે. ભારત જગતનો એકમાત્ર દેશ છે જેની કુલ વસ્તીમાં સરેરાશ ૭૦ ટકા હાથ ઉત્પાદક છે અને એ અર્થમાં ભારત ઉત્પાદકક્ષમતા ધરાવનારો દેશ છે. વિશ્વનું બીજા ક્રમનું વિશાળ માર્કેટ અને પહેલા ક્રમની ઉત્પાદકક્ષમતા ધરાવનારો આ નસીબદાર દેશ છે.