નેતાજી અમારા ખૂણો પાળે છે,
મળતા તો નથી જ, મુખેથી ય મૌન પાળે છે !
બાંધી નાકગરણું, અંતર અમારાથી બરાબર જાળવે છે .
હા, સમસ્યાને ઉકેલવા ટ્વિટરથી બાણ છોડે છે !
પ્રગટી પડદે ટીવીના રોજ પ્રશંસાની ફૂવાર છોડે છે.
યુદ્ધ છે, ને યોદ્ધા તમે, લડાઈ તો જીતવી જ પડે,
ખબર છે, નથી રક્ષાકવચ છતાં છેતરાઈને કર્ણ બનવું પડે !
પાનો ચઢાવીને પાડી દીધો, સાતમે કોઠે લાવીને છોડી દીધો ?
નથી જાણ જરીયે ભેદવાને વ્યૂહ છતાં લાલને લડવા ધરી દીધો ?
આવી વાત જવાબદેહીની તો શાપ માથે મઢી દીધો !
વાહ રે ! નેતાજી કિસ્સો કેવો આખોયે આડે પાટે ચઢાવી દીધો !
ભરાઈને ભોંયરે શાને કરો છો છળ ? સત્ય છે.
આજ નહિ તો કાલ થશે સામનો સાચનો ! શાને આજ બકરો ધરી દીધો ?
સી.યુ. શાહ આર્ટસ કૉલેજ, અમદાવાદ – 380 001.
ભલભલાનાં ભેજાં ફરી જાય એવો તાપ પડે છે. એનાથી વાયરસ મરી જાય એવું કહેવાય છે, તેથી કૈં માણસને ઓછો તડકે મૂકી દેવાય છે! ધારો કે મૂકીએ ને વાયરસ રહી જાય ને માણસ ઉકલી જાય એવું બને, તો? એ ચાલવા દેવાય? એ વાત જુદી છે કે વાયરસે દુનિયાની વસ્તી ઘટાડવા માણસને બાનમાં લીધો છે, પણ તે રાજકીય 'હસ્તી' ઘટાડી શકે એમ નથી. એ સાચું કે માણસ કોયડો છે ને તેને ઉકેલવાનો હોય, પણ એવી રીતે નહીં કે માણસ ઉકલી જાય ને કોયડો જ રહે.