જે થશે એ પણ થવા કાળે થવાનું,
એક પંખી ઓછું ગરમાળે થવાનું.
હાથમાં નિશ્ચલ મરેલી માછલી છે,
ના કશું અહીં ગ્રહના ગાળે થવાનું.
આમ તો ઊભા હતા ઊંચાઈ દેખી,
ને ગબડવું એમને ઢાળે થવાનું.
કોણ જાણે કેમ પણ સંતાપમાં છું,
આ ખુશીને દર્દ સરવાળે થવાનું.
હું બરફ જેવો ભલે શીતળ રહ્યો પણ,
આગ જેવું કંઈક વચગાળે થવાનું.
તા. 20.12.25.
વૃન્દાવન બંગલોઝ,15, શિવ બંગલો, બળિયાદેવ મંદિર નજીક, ગાના-કરમસદ રોડ, મુ. કરમસદ. તા.જિ. આણંદ.
ઈ-મેલ: 1959pareshdave@gmail.com
