આ અધ ખીલ્યાં, ફૂલ પર !
ઉભડક બેઠું, પતંગિયું !
ગર્વથી બોલ્યું ફૂલને,
તું કેવું સ્થિર, એક સ્થળે !
ને હું તો ! અહીંથી તહીં
કંઈ કેટલાં ય, બાગો મહીં,
સહેજ હસી ફૂલ ફોર્યું
જોજે ને, જ્યાં તું, ત્યાં હું !
ઉડી ગયું પતંગિયું !
જઈ બેઠું વાડનાં છેવાડે,
ઓ ફૂલ, તું અહીં ક્યાંથી ?
હું તો એની મહેંક!
જ્યાં તું, ત્યાં હું !
મલયના અણસારે, અણસારે !
વગર પાંખે ઊંચે આકાશે;
ઘડીક, માનવીના અને તારાં
શ્વાસે શ્વાસે મહેંકું ! હું ફોરમ !
બોસ્ટન, ૫-૫-૨૦૨૩
e.mail : inamdarvasudha@gmail.com
