ઉર્દૂ દલિત કવિતા
સપનાં જોનારા હાથ
વાંસને સપનું આપે છે
સુંદર સપનાં
વાંસની હોડી
વાંસનાં ફૂલ
વાંસના હાથી, ઘોડા, ઊંટ
વાંસના સૂરજ
ચાંદ
તારા
વાંસનું ટેબલ
ને કલમ, ખડિયો
….
આ જ વાંસ છોલીને
હું બનાવું છું ધજાઓ
ઝળહળ ચમકતી વાંસની ધજાઓ
ચાનો કપ ધોનારા હાથોમાં
થાકેલા ઘોડા ગણનારાના હાથોમાં
ગૂની ડોલ માથે મૂકતા હાથોમાં
અછૂતના કાળા હાથોમાં
વાંસની ધજાઓ ચમકી ઉઠશે
પેલા તેત્રીસ કરોડ દેવતાઓ સામે!
