છું તેવો ને તેવો જ !         • અનિલકુમાર પટેલ

જન્મદિવસ ત્રીસમો
   (ગધ્ધાપચીસી પછી − ફક્ત પાંચમો !)
           છું હજુ તો છોરું જ !

ત્રણ દસકા કાલયંત્રમાં
    ઘડીકમાં જ સરી પડ્યાં !
ઊથલપાથલો − ધમાચકડીઅો અનેક,
    અાવીને ચાલી ગઈ − શમી ગઈ !
           છું તેવો ને તેવો જ !
હજુ કેટલાંક ?
    વર્ષો અાવીને સરી જશે !
    રહીશ તેવો ને તેવો જ ?
દેહકિલ્લાના કાંગરાઅો ક્ષણે ક્ષણે ક્ષીણ થશે,
મનગમતો મહેલ રેતીનો ડુંગર થશે.
ત્રસ્ત ને અધીર પ્રવાસી નિજ રસ્તો કાપશે,
મુક્તતાનું પ્રચંડ હાસ્ય અવનિને કંપાવશે !

‘છું તેવો ને તેવો જ !’