આવ પાસે તું જરી, ને મળ બકા.
છોડ ચિંતા, સંગ સૌની ભળ બકા.
ખોલ સઘળા રાજ ને કર વાત તું.
દર્દ મનમાં આમ ના તું ગળ બકા.
હાસ્ય વેરી જીવવું પડશે સમજ.
આંસુના ઊંડા અહીં છે તળ બકા.
સાચવી લે આ સમયને પ્રેમથી.
ચાખ ધીરજના પછી તું ફળ બકા.
રાખે શ્રદ્ધા ઈશ પર તું રોજ જો.
થાય જીવન આ પછી ઝળહળ બકા.
કાલની ના રાખજે ખોટી ફિકર.
બાંધ ના જૂઠી કદી અટકળ બકા.
રાખવી સૌ સંગ દોસ્તી સ્નેહની,
થાય ના ખોટી પછી ચળવળ બકા.
જૂનાગઢ
e.mail : kundariakusum@gmail.com