કાનજીની જોડે જોડે છે જીવી આ વારતામાં,
કોની સાથે, કઈ કડી, કોણે ભીડી આ વારતામાં?
નખ ઉપરનાં કાળાં ટપકાંનું જીવન ફેલાય કિન્તુ,
ક્ષણ, દિવસ, વરસો બધું છે ક્ષણજીવી આ વારતામાં!
આપની મનનીય વાતો લબ ઉપર લઈ ઘૂમતી જે,
છે હવા પોતે જ આંદોલનજીવી આ વારતામાં!
કૂણી કૂણી કૂંપળોને કોતરીને જીવનારા,
પાનખરની સાથે ખરશે પરજીવી આ વારતામાં!
માનનારા માનવા જેવું કદી જો માનશે તો,
મદ વગરના થઈ જશે સૌ મતજીવી આ વારતામાં.
16/2/2021