કેટલાંયે જીવોને આ ઉદરે પચાવીને બેઠો છું,
હવે સમજાયું કૈંક ગુનાઓ છુપાવીને બેઠો છું.
મા-બાપ, અને બાળકો ને અતિ ચાહવાં છતાં,
કેટલાં ય મૂંગાં જીવોને અનાથ કરીને બેઠો છું.
પત્ની તો સદા જીવથી યે અધિક છે મારા માટે,
કેટલી ય મૂંગી માદાઓને વિધવા કરીને બેઠો છું.
ઘરખૂણે પરિવાર સહિત સલામતી માંગતો રહું,
કેટલાં ય મૂંગા જીવોના હું ઘર ઉજાડી બેઠો છું.
કોરોના પ્રસરાવનાર જીવો ને ક્રૂરતાથી કોસું છું,
ખરેખર હક છે કોસવાનો એ વિચારતા બેઠો છું.
‘મૂકેશ’ ધિક્કાર છે એ સહુ દયાહીન સંહારકોને,
હવે સદ્દબુદ્ધિ દેશે પ્રભુ એ આશ લઈને બેઠો છું.
કોરોના વાયરસ વેળા
એપ્રિલ ૨૦૨૦
e.mail : mukeshparikh@comcast.net