POETRY

ઉકળાટ

ચીમન પટેલ ‘ચમન’
07-08-2013

ક્યાં ય આછો ય વર્ષનો ભાર નથી,


એ વાતનો સહુ દિલમાં ઉચાટ છે.

ઋતુનો ન જણાય ક્યાં ય રે અણસાર,


ને ગગનમાં ન વાદળનો ગગડાટ છે!

કોના પાપે રે વરસે ન આજ વાદળી,


અનિલની લે’રીએ ખેંચાઈ જે જાય છે.

પશુ, પક્ષી ને ધરતીની વેદના,


જોઇને ય નવ એને કંઈ થાય છે !

વેદના વધારીને ય એ તો વરસી ગયો;


ઉકળાટ ઉરનો મારો ઉરમાં જ રહી ગયો !!

(11જુલાઈ 1965)


("સૌરાષ્ટ સમાચાર", 20 જુલાઈ 1965ના અંક્માં પ્રગટ)

e.mail : [email protected]

Category :- Poetry

ઉંબરે ઊભી સાંભળું રે બોલ વ્હાલમના;
ઘરમાં સૂતી સાંભળું રે બોલ વ્હાલમના.
ગામને પાદર ઘૂઘરા વાગે,
ઊંઘમાંથી મારાં સપનાં જાગે,
સપનાં રે લોલ વ્હાલમનાં.
ઉંબરે ઊભી સાંભળું રે બોલ વ્હાલમના.
કાલ તો હવે વડલાડાળે ઝૂલશું લોલ,
કાલ તો હવે મોરલા સાથે કૂદશું લોલ,
ઝૂલતાં ઝોકો લાગશે મને,
કૂદતાં કાંટો વાગશે મને,
વાગશે રે બોલ વ્હાલમના.
ઉંબરે ઊભી સાંભળું રે બોલ વ્હાલમના.
આજની જુદાઇ ગોફણ ઘાલી વીંઝશું લોલ,
વાડને વેલે વાલોળપાપડી વીણશું લોલ.
વીંઝતાં પવન અડશે મને,
વીણતાં ગવન નડશે મને,
નડશે રે બોલ વ્હાલમના.
ઉંબરે ઊભી સાંભળું રે બોલ વ્હાલમના;
ઘરમાં સૂતી સાંભળું રે બોલ વ્હાલમના.

http://tahuko.com/?p=386&cpage=2#comment-80479

Category :- Poetry