POETRY

મુજરો

અહમદ ‘ગુલ’
22-07-2013

 

સાંભળો ! સાંભળો !
દેશવાસીઅો, સાંભળો !
અાયોજન થયું છે
નેતાજીના મુજરાનું,
પાછલા યુગમાં મુજરે
નવાબો, ઠાકોરો
રાજા રજવાડા ડૂબ્યા.
અા તો 21મી સદીનો
અાધુનિક મુજરો
જેમાં, નેતાજી
નાચશે નહીં
ગાશે નહીં
માત્ર, હવાઈ શબ્દોથી
તમને, નચાવશે
હસાવશે
(ફસાવશે)
પ્રવેશ ફી
માત્ર, રૂપિયા પાંચ !
પાંચ રૂપિયામાં માણો
ભરપૂર મનોરંજન
મુજરાની મજા !
દેશી, બેવડાની પોટલીનો નશો !


e.mail : [email protected]

Category :- Poetry

શાંત વૃક્ષને જોતાં

નંદિતા મુનિ
07-07-2013

શાંત વૃક્ષને જોતાં

અહીં ઊભું વૃક્ષ જે
શાંત આમ તો સદા
પણ બધું વિસરી
જોઉં એના ભણી
સ્થિર દૃષ્ટિ કરી, તો લાગતું નર્તવા,
પર્ણમાં બદ્ધ જે પવન, 
એને કરી મોકળો બે ઘડી !

જાણ એ મને ન્હ'તી
કે દૃષ્ટિ મારી થાતી
એક જાદુછડી -
વૃક્ષને નચાવતી,
મને એ વિટપની 
પ્રણયિની  બનાવતી !

http://thismysparklinglife.blogspot.co.uk/2013/07/blog-post_7.html?spref=fb

Category :- Poetry